Mujhe awaz de lena

Kabhi jab ankh chhalke to,
Kabhi jo dil na sambhle to,
Mujhe awaz de lena,

Kabhi jab door ho koi,
Bohat majboor ho koi,
Koi awaz na de to,
Mujhe awaz de lena,

Koi ansu na ponchhe to,
Koi hasne se roke to,
Koi tum ko sataye to,
Mujhe awaz de lena,

Kabhi jab din na guzre to,
Kabhi jab raat pad jaye,
Kabhi din me andhera ho,
Mujhe awaz de lena,

Main tere sath rehta hoon,
Magar fir bhi guzarish hai,
Kabhi Jab Dil rulaye to,
Mujhe awaz de lena!!!

Saaf Keh Do Na

Nahi koi madham ishara saaf keh do na,
Kahan tak sath doge tum hamara saaf keh do na,

Judai ki tarah dariya bhi apne sath chalta hai,
Nahi milta kinare se kinara saaf keh do na,

Bahane apni majboori ke kyun aa kar sunate ho,
Kasoor us mein nahi koi tumhara saaf keh do na,

Humein tanhai ke taane to na do gher ke aage,
Ke hum bhi dhoond lein koi sahara saaf keh do na,

Hamare hath ki aksar lakeeren milti julti hain,
Magar milta nahi hai apna sitara saaf keh do na,