Raaz har rang mein rusva hoga
Dil ke sehra mein chali sard hava
Abr gulzaar pe barsa hoga
Tum nahi the tou sar-e-baam-e-khayal
Yaad kaa koyi sitaara hoga
Kis tavaqqo pe kisi ko dekhein
Koyi tum se bhi haseen kya hoga
Zeenat-e-halqa- e-aagosh bano
Door baithoge tou charcha hoga
Zulmat-e-shab mein bhi sharmaate ho
Dard chamkega tou phir kya hoga
Jis bhi funkaar ka shahkaar ho tum
Us ne sadiyon tumhein socha hoga
Kis qadar karb se chataki hai kali
Shaakh se gul koi toota hoga
Umr bhar roye faqat is dhun mein
Raat beeti tou ujala hoga
Sari dunia hamein pahchanti hai
Koyi ham-sa bhi na tanha hoga
No comments:
Post a Comment