Mujhe Tum Se Ishq Zaroor Hai

Teri uss adaa se bhi hun aashna,
Tujhe jis pe itna garoor hai,

Main jiyunga tere bagair bhi,
Mujhe zindgi ka sha'oor hai,

Na hawas mujhe may-naab ki,
Na talab saba-o-sahaab ki,

Teri chashm-e-naz ke khair ho,
Mujhe be-piye hi saroor hai,

Jo samajh liya tujhe bewafa,
To is mein teri kya khata,

Yeh khayal mere dimag ka,
Yeh meri nazar ka kasoor hai,

Koi baat dil mein woh tthan ke,
Na ulajh parhe teri shan se,

Wo niyazmand jo ke sir ba-khum,
Kai din se tere huzoor hai,

Main nikal ke bhi tere daam se,
Na giroon ke apne maqaam se,

Main Katil-e-jor-o-sitam sahi,
Mujhe tum se ishq zaroor hai...!!!

Saaf Keh Do Na

Nahi koi madham ishara saaf keh do na,
Kahan tak sath doge tum hamara saaf keh do na,

Judai ki tarah dariya bhi apne sath chalta hai,
Nahi milta kinare se kinara saaf keh do na,

Bahane apni majboori ke kyun aa kar sunate ho,
Kasoor us mein nahi koi tumhara saaf keh do na,

Humein tanhai ke taane to na do gher ke aage,
Ke hum bhi dhoond lein koi sahara saaf keh do na,

Hamare hath ki aksar lakeeren milti julti hain,
Magar milta nahi hai apna sitara saaf keh do na,