Sooli Pe Charha De

Is jurm-e-mohabbat ki mujhe kuch to saza de,
Jeene nahi deta to marne ki dua de,

Agar tujh ko satata hai mere ghar ka ujala,
Aye jaan-e-wafa aa ke chiragon ko bujha de,

Banta hai agar tere iradon mein rukawat,
Raste ka pathar hoon to thokar se hata de,

Haan tujh se mohabbat hai sirf tujh se mohabbat,
Aisa bhi na ho baat ye logon ko bata de,

Ab mere sanam tujh se hai bas ek taqaza,
Bahon mein mujhe le ya sooli pe charha de.