Sahare Baant Lete Hain

Chalo aisa karen mil ke sitare baant lete hain,
Zarurat ke mutabik sab sahare baant lete hain,

Mohabbat karne walon ki tijarat bhi anokhi hai,
Munafa chhor dete hain khasare baant lete hain,

Agar milna nahi mumkin to lehron pe qadam rakh kar,
Abhi dariya-e-Ulfat ke kinare baant lete hain,

Meri jholi me jitne bhi wafa ke phool hain inko,
Ikathe baith kar ik roz sare baant lete hain,

Mohabbat ke alawa pas apne kuch bhi nahi Saqi,
Isi daulat ko ham kismat ke mare baant lete hain.

Sooli Pe Charha De

Is jurm-e-mohabbat ki mujhe kuch to saza de,
Jeene nahi deta to marne ki dua de,

Agar tujh ko satata hai mere ghar ka ujala,
Aye jaan-e-wafa aa ke chiragon ko bujha de,

Banta hai agar tere iradon mein rukawat,
Raste ka pathar hoon to thokar se hata de,

Haan tujh se mohabbat hai sirf tujh se mohabbat,
Aisa bhi na ho baat ye logon ko bata de,

Ab mere sanam tujh se hai bas ek taqaza,
Bahon mein mujhe le ya sooli pe charha de.

Mohabbat

Mujh say giley hain mujh pay bhrosa nahi usse,
Ye soch kar humne bhi to roka nahi usse,

Wo shaks kabhi chand sitaron se ye puchhe,
Hai kon si wo raat Jab hum ne socha nahi usse,

Alfaaz teer ban ke utarte rahe dil me,
Sunte rahe chup chap hi toka nahi usse,

Preet ye asool-e-wafa nahi mohabbat hai,
Hum Jaan to denge magar dhoka nahi usye....