Barbaad Na Kar

Aa ke le jao meri aankh ka pani mujh se,
Kyu hasad karti hai darya ki rawani mujh se,

Gosht nakhun se alag kar ke dikhaya maine,
Uss ne pucha tha judai ka maani mujh se,

Teri khushbu ki lehd par bada tanha tha,
Ro pari mil ke gale 'Raat ki Rani' mujh se,

Khatam hone laga jab khoon bhi aankho ki tarah,
Kar gaye khwab mere nakat makani mujh se,

Sirf ek shakhs ke gham mein mujhe 'Barbaad' na kar,
Roz rote huye kehti hai 'Jawani' mujh se...!